「馬照跑、舞照跳」，不是香港核心精神嗎？

凌晨一時，X終於下班。工作了十六小時，令X極度疲累，腦中空白一片。還未吃晚飯的他打算到公司樓下的茶餐廳吃宵夜，然後回家。

 

茶餐廳裏人不算很多，客人只有十個左右，他們好像都是剛剛下班，來這裏吃個宵夜。有人在吹水，有人盯著電視。

 

「伙計，餐蛋飯，多飯多汁。」X坐下後就點了一碟頹飯，就算是頹飯都要三十個大洋，這已經是最平了。X將想目光移向電視，不過被前面枱幾個正在高談闊論的男人吸引了注意。

 

「屌，個仆街臨收工前先畀一大堆文件叫我做完先好走，真係屌佢老母！又常日都針對我，雞蛋裏面挑骨頭。如果佢唔係我老細，我一早就揼柒佢。」

 

「傑哥，我都唔好得你幾多。佢之前要我幫佢揹鍋，攪到我一身蟻。好彩只係燉冬菇同減人工，唔使炒魷。不過又要等耐d先可以買部新Mac機。」

 

「啲老細就係咁架，當你係奴隸咁款。傑哥你要忍辱負重，唔好因小失大。個廢柴都係靠裙帶關係先可以坐係呢個位，如果唔係佢究竟何德何能可以係我地上面！以傑哥你嘅聰明才智，唔駛幾耐就高職位過佢，唔使再忍啦！」

 

這時，電視機傳來一陣吵鬧聲，原來是播放關於市民在政總前抗議政府免費電視。前面枱男人將話題從屌老細轉到王維基身上。

 

「屌，緊係撐啦！唔駛再對住無線同亞視啲無聊節目。」

 

「個政府咁黑箱作業，真係事可忍，孰不可忍呀！連我老母都有去政總支持王維基呀，如果唔係要返工我都會去。」

 

「王維基做啲好節目，唔駛再睇無線BBQ結局。政府唔發牌畀香港電視，話唔埋CCTVB同埋政府嘅合謀……」

 

「昨天有工會支持全民退休保障，遊行人數只得四十個……」電視機中的漂亮女主播繼續報導另一新聞。

 

「哈，得咁少人，你話佢地出來示威定示弱呀？」然後他們立刻對這個話題失去興趣，轉到女人和波經，彷彿這段報導與他們無關係似的。

 

飯到了。X怱怱地吃完、埋單，但那三個男子仍在高談闊論。「明天還要上班，早點回家休息吧。」X心想。

 

「馬照跑、舞照跳」是香港的核心精神，不是嗎？

作者︰Edward

中大左翼學會成員，覺得學習比學業更重要，喜歡睡懶覺，但睡完懶覺後便很有罪疚感。